RELATORIU FUNDASAUN UMA PAS BAUCAU

Fundasaun Uma PAS Baucau, hanesan ONG nasional nebe hari’ iha 2009,hodi halo atendementu ba feto no labarik nebe hetan violensia Bazeia ba Jeneru. Fundasaun Uma PAS hetan suporta husi Ministeriu Solidaridade Social ( MSS ) no Caritas Australia Timor Leste, no halo ona protesaun liu husi Uma Mahon Pas, maibe to’o ohin loron Violensia Bazeia ba Jeneru ( VBG ) kontinua aas no sai hanesan prekupasaun ida ba sosiadade (Munisipiu de Baucau, Viqueque, lautem inklui Baucau), liu-liu iha area rurais ne'ebe feto no labarik sira sai mais vulneravel tamba menus asesu ba informasaun no norma –nomos pratika kultura(patriarkal ) ne'ebe favorese mane sira. Assuntu igualdade generu no prevensaun violensia kontra feto hanesan assuntu komun ida ne’ebe presija ema tau atensaun maka’as husi entidades hotu. Iha konstitusaun RDTL artigu 16 no 17 garante direitu no oportunidade hanesann ba feto no mane. Ida ne’e hanesann kondisaun fundamental no instrumento ba sistema demokrasia iha Timor Leste. Problema Violensia Domestika no Violensia Seksual iha munisipiu de Baucau, Viqueque, Lautem inklui Manatutu numeru kazus a’as tebes. Liu husi servisu hamutuk rede referal no servisu ho stack holder sira ne’e hotu hato’o liu husi enkontru rede referal kada fulan.