POZISAUN SERVISU
KORDENADORA JERAL UMA
PAS BAUCAU
POZISAUN KORDENADORA JERAL sei hatan
ba Konsellu Administrativu no servisu hamutuk ho membrus Konsellu Exekutivu,
lideransa no staff UMA PAS atu realiza UMA
PAS nia objetivus ne’ebé determina tiha ona iha UMA PAS nia planu stratejiku.
Responsabilidade husi pozisaun Kordenadora
Jeral inklui dezenvolve programas / projetus, halo supervizaun, halo relatoriu
no buka orsamentu. Pozisaun ne’e sei servisu iha Edifisiu Operasional UMA PAS iha Distrito Baucau.
Kordenadora Jeral mak iha
responsabilidade atu lidera ho nia staff, tuir ida-idak nia programa hodi
atinji objetivus iha planu stratejiku.
Kordenadora Jeral sei iha mos
responsabilidade atu kordena no hatan UMA PAS nia Konsellu Administrativu
regularmente kona-ba dezenvolvimentu no dezafius ne’ebé organizasaun hasoru no
hamutuk dezenvolve solusaun ne’ebé apropriadu no hare katak rekomendasaun no
politika ne’ebé Konsellu Administrativu deside sei implementa iha organizasaun
nia laran.
Responsabilidade Espesifiku maka
tuir mai ne’e;
1.
Servisu ho membrus Konsellu Exekutivu /
Team Manajementu atu dezain programas / projetus no hare katak projetus hirak
ne’e hetan monitorizasaun ne’ebe regular.
2.
Superviza Programas / Projetus no sukat rezultadu liu husi
indikador ne’ebé define.
3.
Dezenvolve proposta no buka orsamentu
4.
Dezenvolve relasaun servisu ne’ebé diak ho
instituisaun doadores no organizasaun parseria
5.
Apoiu aspeitu hotu-hotu, hodi habelar
relasaun ho doadores, inklui membrus Exekutivu, Satff no Volountariu ne’ebé ho diak no forte.
6.
Iha responsabilidade prinsipal ba
jestaun organizasaun inklui jestaun finanseiru no rekursus humanus nian hodi
garante Uma PAS Baucau bele funsiona ho diak.
7.
Lidera prosesu de rekrutamentu no
avaliasaun ba staff ne’ebe servisu ba organizasaun.
8. Partisipa
iha reuniaun ho ajensia sira seluk ne’ebe presiza no reprezenta organizasaun
iha eventus nasional no internasional.
9.
Halo relatoriu trimesterial no
narativu final ba doadores no Konsellu Administrativu UMA PAS no
relatoriu seluk tuir nesesidade organizasaun nian.
10. Promove
Vizaun, Misaun no Programas UMA PAS iha nivel lokal, Nasional no Internasional.
11. Fasilita visita sira ne’ebé mai husi peritos / trainers / konsultantes.
12. Partisipa
eventu-eventu importante iha programa
organizasaun UMA PAS no reprezenta UMA PAS tuir eventu-eventu parseria
dezenvolvimentu nian.
13. Partisipa
monitorizasaun regular no evaluasaun mediu / annual hodi hare
no hatene no halo desizaun no solusaun ba prosedimentu servisu ne’ebé iha.
14. Halo servisu seluk ne’ebé iha relasaun ho Programas / Projetus UMA PAS ne’ebé
hetan ona akordu husi Konsellu Administrativu.
Ofisial Apoiu ba
Sobreviventes (OAS)
Responsabilidad:e
Ofisial Apoiu ba
Sobreviventes (OAS) sei hatan ba Ofisial
Admin/Finansas. Ofisial Apoiu ba Sobreviventes (OAS) ninian responsabilidade prinsipal
maka fo apoiu ba sobrevivente ne’ebe determinadu ona husi Kordenadora Jeral,
Konselleira no Admin/Finansas no asegura katak sobrevivente sira sente
suportadu, hakmatek no seguru bainhira hela iha Uma Pas.
Ofisial Apoiu ba Sobrevivente (OAS) sei kaer servisu spesifiku hanesan
tuir mai ne’e :
1. Ho kordenasaun husi Kordenadora Jeral,
Konselleira no Admin/Finansas organiza no fo apoiu apropriadu ba sobreviventes
sira ne’ebe tama no hela iha Uma Pas.
2. Fasilita ajudus ne’ebe inklui
akomodasaun, hahan, roupa, kits no sst ba sobreviventes ne’ebe determinadu husi
Kordenadora Jeral, Konselleira no Admin/Finansas.
3. Ofisial Apoiu ba Sobreviventes (OAS)
sei servisu tuir orariu ne’ebe determinadu no bele inklui servisu kalan, loron
boot no fin da semana.
4. Fornese akompanhamentu ba sobreviventes
ba ajensia no instutuisaun ne’ebe relevante ne’ebe inklui Hospital, Polisia,
Tribunal, Prokurador, Asistensia Legal no sst ne’ebe determina husi Kordenadora
Jeral, Konselleira no Admin/Finansas.
5. Ajuda ofisial Admin/Finansas ba
kontrola stock nesesidade apoiu sobreviventes no mantein nivel ne’ebe
sufisiente.
6. Iha responsabilidade prinsipal ba hamos
Uma Mahon no Edifisiu, tein ba sobreviventes no staff, fase sobreviventes nia
roupa (Bainhira presiza), halo kompras, ajuda tau matan ba labarik, tau matan
ba jardin no to’os.
7. Partisipa iha atividades formasaun
ne’ebe realiza iha Uma Pas.
Konseleira – Uma PAS
Responsabilidade:
sei hatan ba Koordenadora Jeral. Konseleira
se iha responsabilidade prinsipal ba fo atedementu ba sobrevivente ne’ebe
inklui akonsolamentu, akompahamentu, kordena apoiu ba sobrevivente no mantein
sistema jestaun ba kazu ne’ebe Uma Pas simu.
Konseleira
sei kaer servisu spesifiku hanesan tuir mai ne’e :
- Ajuda halo planeamento no kordenasaun kona ba projetu Uma PAS
- Maneija no tau matan ba sistema jestaun ba kazu ne’ebe Uma Pas simu.
- Supervisa no fo asistensia ba sobrevivente bainhira polisia VPU/familia no stakeholder refere ba Uma PAS.
- Maneja no iha responsabilidade ba akompanha sobrevivente bainhira halo mediasaun Tradisional no tuir julgamento iha Tribunal.
- Organiza no fasilita buka Advogado atu fo tulun ba kliente hodi prosesa kazu tuir prosesu legal.
- Supervisa no organiza staff Uma PAS atu komfirma ho DNSS hodi fo asistensia humanitaria ba sobrevivente ne’ebe laiha kbiit.
- Supervisa, Organisa no fasilita akompanha sobrevivente durante loron 3 – semana 2 iha Uma PAS no refere sobrevivente ba fatin apropriadu (Fokupers, Casa Vida, Uma Mahon Salele).
- Ajuda organiza no supervisa staff Uma PAS hodi follow up sobrevivente atu hare desenvovilmento saude fisika no mental.
- Ajuda facilita visita sira ne’ebe mai husi peritos/trainers/consultantes.
- Fo apoiu ba kordenadora hodi maneija no responsabilidade ba administrasaun no finansas projetu nian.
- Ajuda superviza, organiza no participa iha enkontru ka treinu projetu nian
- Prepara no hato’o relatorio kona ba Aktividade no relatorio fulan-fulan ba kordenadora.
- Partisipa promove no asegura informasaun Uma PAS liu husi sosializasaun, advokasia, media elektronik/masa, pamfletu no brosure.
- Partisipa no organiza iha steering commite ba eventu-eventu importante ne’ebe iha relevante ho asunto Feto.
- Responde ba servisu seluk ne’ebe iha relasaun ho Projeitu Uma PAS bainhira kordenadora autoriza.
Guarda Seguransa
Responsabilidade:
Guarda seguransa sei hatan ba ofisial Admin/Finansa. Guarda
seguransa ninian responsabilidade mak atu tau matan ba edifisiu no empregu Uma
Pas nian tomak inklui mos visitante sira
ka ema seluk ne’ebe iha area Uma Pas nian. Guarda seguransa ninia servisu
espesifiku mak hanesan tuir mai ne’e:
1.Tau matan ba sasan hotu iha edifisiu nia
laran no kontrola janela no odamatan sira xave depois oras servisu nian.
2. Tau matan ba ema no empregadu Uma PAS
nian.
3. Hatene lolos katak motor ne’ebe sai tenki
registu lolos tuir informasaun.
4. Asisti konrola kartaun pulsa elektrisidade
nian.
5. Loke taka odamatan portaun ho kuidadu.
6. Registu lolos uluk bainaka nia objetivu ka
informasaun ka sira nia hakarak atu hasoru staff . Haruka ba hein iha fatin
bainaka no fo hatene ba staff ne’ebe bainaka hasoru.
7. Registu oras tama ka sai empregadu Uma Pas
nian.
8. Fo ba bainaka kartaun visitor no rekoila
fali bainhira visitor fila.
9. Tau matan ba propriadade no asset Uma Pas
nian.
10. Tula
no hatun sasan ba/ husi kareta no motor
11.
Hasai
no hatama sasan ba armajen.
12.
Muda
sasan iha Uma Pas no Edifisiu laran bainhira presiza.
13.
Hamos
kintal Uma Pas no Edifisiu nian.
14. Responde ba servisu seluk ne’ebe iha relasaun ho
Projeitu Uma PAS bainhira Admin/finansas ka senior supervizora sira autoriza.
Admin/Finansas_Uma Pas
Responsabilidade:
sei hatan ba Koordenadora Jeral.
Admin/Finansas sei iha responsabilidade prinsipal
ba fo suportasaun Programa/Projetu no mantein sistema jestaun Uma Pas nian.
Admin/Finansas
sei kaer servisu spesifiku hanesan tuir mai ne’e :
1.
Supervisa,
maneja no halo planeamentu no kordenasaun ho Kordenadora Jeral Uma Pas no
Project Officer Survivor Support Caritas Australia Dili.
2.
Kordena
no halo konsultasaun ho Kordenadora Jeral Uma Pas no Project Officer Survivor
Support Caritas Australia Dili, ba organiza ka buka treinamentu finansa ba harí
staff projetu sira nian kapasidade.
3. Asiste
rede referral no rede servisu ho
organizasaun lokal/Internasioal iha Distrito no Nasional.
4. Prepara
no halo asesmentu no annual appraisal/evaluasaun ba staff ne’ebe tau matan.
5.
Koordena
no update planu servisu regular ba Konselu Exekutivu.
6. Hatama
relatoriu atividade kada fulan trimestal ba Konselu Exekutivu no Project
Officer Caritas Australia Dili.
7. Simu
no analiza relatoriu narativu o
fianasial husi Staff Programa sira no hato’o feedback konaba relatoriu ne’e.
8. Halo
analizasaun ba orsamentu programa kada seksaun nian no hato’o ba koordenador
Jeral Uma Pas no Project Officer Survivor Support Caritas Australia Dili.
9. Dezenvolve
planu atividade husi departementu finansas nian husi objetivu 7 iha planu
operation (2013-2016 Uma Pas Baucau nian).
10. Partisipa
iha rekrutamnetu ka selesaun staff foun ba Programa Uma Pas nian.
0 komentar:
Post a Comment