“TANE A'AS MORIS NE'E”
Hadomi
ida nebe imi simu malu iha Santa Kreda no inan aman no familia sira nia oin.
Basa ida ne'e maka sah. Keta lakon tempo ho buat nebe la'os imi nian. Media
social bele lori diak no mos lori desafius. Lia fuan midar la'os midar sem
por-cento. Balun hakarak koko deit imi nia mental ho imi nia intergridade to'o
iha nebe? Se imi forte. Sira sei dehan.: Vale apena ema ida ne'e! Forti duni.
Bo'ok mos la ba! Maibe se imi fraco sira sei hamnasa
hodi dehan bo'ok -bo'ok tiha deit! Monu lalais hanesan hastasak. Hafoin sira
tur hodi hamnasa imi. Tanba imi monu ona ba babeur sira.
Hau
dehan teni! Diak liu fiel ba ida nebe o nian rasik. Doke lakon tempo ho buat
nebe lafolin. Maski dala barak imi terus ba malu. Maibe terus hotu tiha,
haksolok hamutuk fali. Moris ne'e iha loron no mos iha kalan. Maibe kalan
lataka buat hotu. Santidade mak ida ne'e duni. Hatene tahan buat hotu tamba
hadomin ba domin ida nebe o nian rasik. Exemplo deit. To'os nain tama iha nia
to'os ho kalma no ho haksolok hare nia produtos sira iha to'os no nia hakarak
hili ida nebe mak nia gosta atu ku'u. Compara ho naukten oin seluk. Buka
lalais-lalais tanba tauk ba to'os nain.
Ho comparasaun ida ne'e: Ida nebe mak imi hakarak hili? Sai nain rasik ka? Sai nauk ten? Hadomi malu ba, iha tempo diak no tempo susar. Tane a'as moris ne'e. Moris ne'e nia folin karun tebes. Moris ne'e folin la'os osan mean no kareta. Maibe moris ne'e nia folin mak Ida nebe Tara iha Ai-Kruz Leten nia folin. Hakarak rona, rona ba. Lakohi mos la obriga. Ita mak sei tulun malu. Hakuak bo'ot husi ema nia rain. Bjs. Ita reza ba malu.
Ho comparasaun ida ne'e: Ida nebe mak imi hakarak hili? Sai nain rasik ka? Sai nauk ten? Hadomi malu ba, iha tempo diak no tempo susar. Tane a'as moris ne'e. Moris ne'e nia folin karun tebes. Moris ne'e folin la'os osan mean no kareta. Maibe moris ne'e nia folin mak Ida nebe Tara iha Ai-Kruz Leten nia folin. Hakarak rona, rona ba. Lakohi mos la obriga. Ita mak sei tulun malu. Hakuak bo'ot husi ema nia rain. Bjs. Ita reza ba malu.
“Inan Aman Nia Futuru Mak Oan Sira”
Keta
husik imi nia an halai tuir mundo nia tentasaun nebe mosu oi-oin deit iha tempo
agora. Familia forte. Comunidade forte. Nasaun forte. Oan sira presisa
teb-tebes aman inan sira nia domin no atensaun. Aman inan nia futuru mak oan
sira. Sira deit mak sei tau matan ba imi wainhira imi ferik no kataus. Keta
halo sira nia fuan kanek. Kanek iha isin lolon kura
lais. Maibe kanek fuan kura dificil. Nune'e mos oan sira keta hakanek papa ho
mama nia fuan. Estuda bo'ot ona buka foti mama ho papa nia oin. Keta hatun sira
nia oin. Wainhira o hatun sira, ne'e katak la'os hatun sira maibe o hatun o nia
an rasik no mos hatun qualidade edukasaun nebe o simu durante ne'e.
Agora! Hili ida nebe? Kura isin kanek ka kura
fuan. Hadomi lolos katak respeita malu; simu malu iha tempo diak no mos iha
tempo susar. Simu ida seluk nia karakter hanesan nia an rasik. Wainhira sente
kolen no terus demais ona. Hateke ou foti matan ba Ida nebe tara iha Kruz leten
no Inan ida nebe hamrik iha Kruz hun. Sira sei halo kman o nia terus. La'o tuir
nia ain fatin. Keta husik an ba babeur mundo nian. O nia maluk sei lova ka
admira o wainhira o hamrik metin hodi hasoru tentasaun sira. Ema sei hamnansa o
wainhira o monu ba sira nia babeur falso sira. Familia forte nasaun forte. Ita
reza ba malu doben sira.
0 komentar:
Post a Comment